Lajmet e fundit
Qytetarët e Ferizajt janë duke u përball me mungesë të ujit në festën e Kurban Bajramit.
Kështu Drejtoria e Shërbimeve Publike dhe Emergjencë e kësaj komune dhe Kompania Rajonale e Ujësjellësit "Bifurkacioni" sqarojnë për qytetarët se mungesa e ujit të pijshëm është si pasojë e një mungese të ujit në tërë vendin, temperaturave të larta dhe keqpërdorimeve eventuale dhe jo si pasojë e ndonjë defekti në rrjetin tonë të ujësjellësit.
Ata thonë se është duke u operuar me kapacitet të plotë në gjithë rrjetin tonë me qëllim që qytetarëve t'i sigurohet uji i pijshëm.
“Me keqardhje që në këtë ditë feste mungon uji i pijshëm, përkundër përpjekjes të pandalshme të autoriteteve lokale, presim mirëkuptimin tuaj dhe njëkohësisht apelojmë tek qytetarët që të shmangin përdorimin e panevojshëm të ujit dhe të denoncojnë keqpërdorimet e ujit tek organet kompetente”.
“Komuna e Ferizajt ka mobilizuar prej ditësh të gjitha mekanizmat për të siguruar rezervat e ujit dhe përpunimin e tij me qëllim të shmangies së krizës në shkallë më të gjerë të ujit në territorin e Ferizajt”, shkruhet në postimin e publikuar në faqen zyrtare të kësaj komune në Facebook.
