Qetësi para stuhisë në stadiumin “Fadil Vokrri” në Prishtinë (VIDEO)

Gazetari i Klan Kosovës, Andi Shabani ka raportuar nga stadium “Fadil Vokrri” në Prishtinë, aty ku sonte do të zhvillohet ndeshja mes Kosovës dhe Turqisë. Ai është shprehur se aty aktualisht është një “qetësi para stuhisë”, pasi për pak kohë pritet që të mbushet me tifozë. “Gjendem në stadiumin “Fadil Vokrri”, aty ku është një qetësi para stuhisë, pasi pas disa orësh, ky stadium do të jetë i mbushur plot dhe shpresojmë që një emër i madh si Fadil Vokrri, legjenda e futbollit kosovar, t’u sjell fat Dardanëve që sonte të arrijnë kualifikimin historik”, tha ai. Shabani gjithashtu bëri të ditur se fusha është në gjendje të mirë dhe se aty janë duket u bërë përgatitjet e fundit për ndeshje. “Fusha duket në gjendje perfekte, po bëhen edhe organizimet e fundit, në ora 17:45 do të hapen edhe dyert për tifozët të cilët do të vijnë”, tha ai./Klankosova.tv https://www.youtube.com/watch?v=FnrcyEtXPQQ