Shqipëria sonte do të përballet me Serbinë në stadiumin e Leskovcit.
Skuadra shqiptare tashmë gjendet atje, teksa gjatë ditës së djeshme janë raportuar disa incidente.
Sipas mediave shqiptare, komentatori i njohur i sportit, Dritan Shakohoxha, ishte ndaluar për rreth tri orë në aeroportin e Beogradit, raporton Klankosova.tv.
Ai tha se atij i ishte thënë se është në listën e zezë, siç tha se janë edhe Drejtori i Sportit në Artmotion, Arlind Sadiku, e gazetari Marin Mema.
Ndërkaq sot, mediat në Serbi raportojnë se në Leskovc po mbretëron situatë e qetë, rreth 4 orë pa nisur ndeshja.
Sipas “Nova”, vërehet shtim i forcave policore, por jo ndonjë organizim nga tifozëritë atje.
Ndeshja nis në orën 20:45, ndërsa transmetimin direkt e bën televizioni më i madh në vend, Klan Kosova. /Klankosova.tv
●●●
ASHKRIMI NGA
A
Editorial nga Klan Kosova — ndjek sport dhe zhvillimet e tjera kryesore të vendit.
