Pse ndodhi vrasja në Zllakuqan të Lipjanit?

Një ngjarje e rëndë ka ndodhur sot në fshatin Zllakuqan të Lipjanit. Si pasojë e një përleshje mes disa personave, njëri nga ta ka mbetur i vdekur dhe një tjetër është plagosur. 57-vjeçari ka vdekur si pasojë e plagëve të marra nga një mjet i mprehtë (thikë). Klan Kosova merr vesh se konflikti ka ndodhur mes dy familjeve atje, për motive të ulëta. Jo zyrtarisht thuhet se "mollë sherri" aty u bë TikTok-u. Fillimisht rrahja ka nisur nga fëmijët e dy familjeve, e më pas janë përfshirë edhe të rriturit. Klani merr vesh se viktima është Agim Zani. Lidhur me rastin policia i ka arrestuar dy persona. Ndërkaq gjendja shëndetësore e të plagosurit është stabile. Kështu tha për Klankosova.tv, drejtori i Emergjencës në QKUK, Naser Syla. "Ai është transferuar për trajtim në Klinikën Torakale", tha Syla. https://klankosova.tv/policia-e-konfirmon-nje-i-vdekur-e-nje-i-plagosur-rende-ne-lipjan/