PSD-ja hap degën në Deçan

Në vazhdën e shtrirjes së partisë më të re në Kosovë, Deçani është qyteti i radhës ku partia e Shpend Ahmeti hapi degën më të re. Me ç`rast kryetari i kësaj partie Shpend Ahmeti dhe koordinatorja e degës Natyra Kuçi; shprehën kënaqësinë që tashmë ka filluar shtrirja e platformës socialdemokrate edhe në Deçan. “Pushtetet e deritashme lokale dhe qendrore e kanë lënë Deçanin të zhytur në probleme ekzistenciale. Përderisa plotë lokalitete të kësaj komune përballen me mungesën e rrjetit të ujësjellësit, Deçani lëngon edhe nga prerja ilegale të pyjeve dhe shkatërrimi sistematik i tyre. Është koha që të ndalen qeverisjet e papërgjegjshme dhe të funksionalizohen resurset natyrore të kësaj komune”, thuhet në komunikatën e PSD-së. Shtrirja e kësaj partie po vazhdon nëpër mbarë Kosovën tash e disa javë, njofton Klan Kosova.

klankosova.tv