Protestat për Haradinajn vazhdojnë

Protestat për liderin e Aleancës për Ardhmërinë e Kosovës dhe ish-kryeministrin e Kosovës që po mbahet ende në Francë vazhdojnë edhe sot, e shtune, njofton Klan Kosova. “Nën moton “Ramush Haradinaj është Kosova" marshi protestues këtë herë organizohet në Rahovec, duke filluar nga ora 12:00. Ndërsa, nën të njëjtën moto, Shoqëria civile në Gjakovë dhe Aleanca e Gruas mbajnë tubim protestues me fillim në orën 14:00. Ramush Haradinaj është ndaluar në fillim të këtij muaj në Francë, me një urdhër arrest të lëshuar nga Serbia në Interpol. Serbia e akuzon Haradinajn për krime lufte në luftën e fundit në Kosovë. Haradinaj për të njëjtat akuza është gjykuar dhe shpallur i pafajshëm nga Drejtësia Ndërkombëtare.

klankosova.tv