Protesta e AAK-së e Nismës nëpërmjet fotografive (FOTO)

Aleanca për Ardhmërinë e Kosovës dhe Nisma për Kosovën kanë organizuar protestën e paralajmëruar për 14 maj dhe ashtu siç kishin premtuar ajo ishte masive. Për herë të parë pjesë e kundërshtimit opozitar nuk ishte edhe Lëvizja Vetëvendosje. Ka kohë tashmë që AAK e Nisma kanë nënshkruar një koalicion parazgjedhor pa Vetëvendosjen. Në protestë, Policia e Kosovës ka thënë se ishin vetëm 5000 qytetarë, mirëpo nga organizatorët e protestës, të cilët nuk kanë dhënë shifra, është kundërshtuar ky numër duke u cilësuar si vlerësim qesharak dhe tërësisht i gabuar. Në fjalimet e liderëve opozitarë edhe njëherë u tha se vendi duhet të shkojë në zgjedhje, sepse Qeveria aktuale me nënshkrimin e marrëveshjeve me Serbinë për Asociacionin dhe me Malin e Zi për Demarkacionin është bërë e kundërligjshme. Fotografi Haris Alija për Klan Kosovën ka ngrirë disa nga momentet kryesore të kësaj proteste.