Prokuroria jep detaje për vdekjen tek varrezat e Gurakocit të Istogut

Një person është gjetur i vdekur në varrezat e fshatit Gurakoc të Istogut, vdekja e së cilit është konstatuar nga mjeku kujdestar. Në lidhje me këtë rast, zëdhënësi i Prokurorisë Themelore në Pejë, Shkodran Nikçi për Klankosova.tv ka bërë të ditur se trupi i pajetë është dërguar për obduksion dhe u shpreh se janë duke u ndërmarrë veprimet e nevojshme. "Prokurori i Krimeve të Rënda ka dalë në vend të ngjarjes bashkë me njësitet relevante policore. Trupi i pajetë i viktimës është dërguar për obduksion. Janë duke u ndërmarrë veprimet e nevojshme", është shprehur Nikçi. https://klankosova.tv/gjendet-pa-shenja-jete-nje-person-ne-varrezat-e-gurakocit-te-istogut/