Lajmet e fundit
Ambasada e SHBA-së në Londër po përpiqet të hedh poshtë një ide, mbi një polemikë rreth mënyrës më të mirë për të përgatitur një filxhan çaji.
Në një libër të ri të botuar të mërkurën, "Steeped: The Chemistry of Tea", profesoresha e kimisë e Kolegjit ''Bryn Mawr'', Michelle Francl, këshilloi adhuruesit e çajit që të shtonin pak kripë në pijet e tyre, transmeton klankosova.tv.
''Jam rritur në mesperëndim, që është një vend ku pihet thellë kafe, por çaji ka qenë gjithmonë pija ime e preferuar – dhe kam investuar shumë kohë për ta studiuar atë'', thotë Francl, sipas The Guardian.
Pas raportimeve të lajmeve rreth librit, Ambasada Amerikane në Londër u drejtua në rrjetet sociale për të praktikuar pak diplomaci gjatë çajit.
Pa përmendur emrin e Francl, mesazhi thoshte se "receta e një profesoreshe amerikane për filxhanin e çajit 'perfekt', ka sjellë lidhjen tonë të veçantë me Mbretërinë e Bashkuar në 'telashe'".
https://twitter.com/USAinUK/status/1750136728034169147
''Çaji është eliksiri i miqësisë, një lidhje e shenjtë që bashkon kombet tona. Ne nuk mund të qëndrojmë duarkryq pasi një propozim i tillë i egër kërcënon vetë themelin e Marrëdhënies sonë Speciale'', thuhet në një deklaratë të saj, postuar në X, e njohur më parë si Twitter.
''Prandaj ne duam të sigurojmë njerëzit e mirë të Mbretërisë së Bashkuar që nocioni i paimagjinueshëm i shtimit të kripës në pijen kombëtare të Britanisë nuk është politika zyrtare e Shteteve të Bashkuara. Dhe kurrë nuk do të jetë'', pretendoi Ambasada e SHBA.
"Le të bashkohemi në solidaritetin tonë të thellë dhe t'i tregojmë botës se kur bëhet fjalë për çajin, ne qëndrojmë si një", thuhej në deklaratë, përpara se të shpërthejë potencialisht një stuhi në një çajnik me linjën e saj përfundimtare.
''Ambasada e SHBA-së do të vazhdojë të përgatisë çajin në mënyrën e duhur – duke e ngrohur me mikrovalë''.
Ndërkohë nga kjo deklaratë, ka reaguar menjëherë Qeveria Britanike, e cila përmend sërish se në këtë çështje ka mospajtime, transmeton klankosova.tv.
https://twitter.com/cabinetofficeuk/status/1750157002716676252
''Në përgjigje të deklaratës së bërë nga Ambasada e SHBA në MB:
Ne e vlerësojmë marrëdhënien tonë të veçantë, megjithatë, duhet të mos pajtohemi me gjithë zemër...
Çaji mund të përgatitet vetëm duke përdorur një kazan'', thuhet në deklaratën e saj në X, transmeton klankosova.tv.
