Lajmet e fundit
Nga gjysma e muajit gusht, faqet komunale të internetit komunale kanë qëndruar jashtë funksionit të tyre të përditshëm.
Zyrtarët në komunat e Kosovës, gjatë kësaj periudhe, kanë hasur vështirësi në ngarkimin e dokumenteve të punës së tyre, disa prej të cilave kishin afate të caktuara për publikim.
Të shqetësuar për këtë problem janë shprehur zyrtarë të shumë komunave, pasi që si pasojë e këtyre problemeve, informimi transparent i publikut është pamundësuar, duke përfshirë edhe pamundësinë për të marrë grantet e transparencës.
Bekim Dobra, kryesues i Kolegjiumit për Komunikimin me Publikun, fajin e hedh te kompania mirëmbajtëse e këtyre faqeve të internetit.
Për Kolegjiumin për Komunikimin me Publikun është bërë e njohur se kanë paraqitur disa herë ankesa lidhur me këtë problem, por pa rezultate të dukshme.
Kryesuesi i Kolegjiumit ka propozuar që komunat të jenë ato që duhet të mirëmbajnë faqet e tyre të internetit.
Kjo, sipas tij, edhe do të ndihmonte që problemi të identifikohej më lehtë dhe përgjegjësia do të merrte e do të zgjidhej nga vetë komuna.
Pasojat e mosfunksionimit të faqeve komunale të internetit për një kohë të gjatë janë vërejtur shpejt.
Kryesuesi i koordinatorëve për grante, Islam Latifi, ka raportuar se këtë vit është vërejtur një ulje në numrin e aplikimeve për grantin e transparencës, krahasuar me vitet e kaluara.
Ai gjithashtu thekson se, duke u bazuar në problemet me faqet e internetit që kanë prekur komunat, ekziston rreziku që raportimi i komunave të mos jetë cilësor.
