Prizren: Sulmoi fizikisht zyrtarët policorë, arrestohet i dyshuari

Një person është arrestuar në fshatin Kobaj të Prizrenit, pasi i njëjti ka sulmuar fizikisht zyrtarët policorë. Në raportin 24-orësh, thuhet se policët ishin në një asistencë të një institucioni, transmeton Klankosova.tv. “Është arrestuar i dyshuari kosovar, pasi që ka sulmuar fizikisht zyrtarët policorë të cilët ishin në asistencë të një institucioni. Njësitet policore janë duke u marrë me rastin. Me vendim të prokurorit, i dyshuari pas intervistimit është dërguar në mbajtje”, thuhet në njoftimin e policisë.