Lajmet e fundit
Gjatë 28 nëntorit, Policia në Prizren ka pranuar informatë për dy raste të kryerjes së veprës penale ‘kanosje’.
Pas një pune hetimore të njësiteve relevante policore, është arritur të identifikohen dhe të arrestohen dy persona të dyshuar, njofton Klan Kosova.
Personat e dyshuar për këtë vepër penale janë R. K. dhe A. S.
Tashmë të arrestuarit dyshohen të jenë përfshirë në dy raste të kanosjes (dhunës në familje), ku njësitë patrulluese iu kanë përgjigjur rasteve.
Dy të arrestuarit janë të njohur për organet e rendit edhe si përdorues të lëndëve narkotike ku në vazhdimësi i kanosin familjarët e tyre duke iu kërkuar të holla.
Me vendim të prokurorit dy të dyshuarve iu shqiptohet masa e ndalimit policor për 48 orë, njofton Klan Kosova.
