Presidentja e KE-së përshëndet marrëveshjet e Samitit të Berlinit

Presidentja e Komisionit Evropian, Ursula von der Leyen, e ka përshëndetur nënshkrimin e tri marrëveshjeve mes vendeve të Ballkanit Perëndimor në kuadër të Samitit të Procesit të Berlinit. “E mirëpres nënshkrimin e tri marrëveshjeve për lëvizjen e lirë në Ballkanin Perëndimor. Më shumë duhet të pasojë për të përfunduar Tregun e Përbashkët Rajonal. Është mirë për ekonominë dhe do të forcojë lidhjet personale në rajon. E njëjta histori që është në qendër të projektit tonë evropian”, ka shkruar ajo në Twitter, njofton Klankosova.tv.

I welcome the signature of 3 agreements on mobility in the Western Balkans.

More should follow to complete the Common Regional Market. It's good for the economy and it will strengthen personal bonds in the region. The same story that is at the heart of our European project. pic.twitter.com/oqa3s00peT — Ursula von der Leyen (@vonderleyen) November 3, 2022

Liderët e gjashtë vendeve të Ballkanit Perëndimor, sot, nënshkruan tri marrëveshje në kuadër të Procesit të Berlinit. Ujditë që u nënshkruan janë ato për lëvizjen e lirë me letërnjoftime, për njohjen e kualifikimeve të arsimit të lartë dhe për njohjen e kualifikimeve profesionale të mjekëve, dentistëve dhe arkitektëve.