Presidenti i La Ligas, sulmon klubet e pasura: “Manchester City ka mashtruar për 15 vjet”

Një ditë pas ndeshjes Barcelona-PSG, me ekipin francez që fitoi në minutën e 90-të, presidenti i La Ligës, Javier Tebas, nisi një sulm të ashpër ndaj klubeve si PSG dhe Manchester City, të cilët, sipas tij, duhet t'u përmbahen rregullave ekonomike dhe financiare shumë më pak të rrepta në vendet e tyre përkatëse sesa ato në fuqi në ligën superiore spanjolle. “Futbolli është global dhe në garat evropiane duhet të konkurrosh me klube që kanë një sistem të ndryshëm. Ose nuk kanë kontroll ekonomik, ose është i ndryshëm nga i yni”. “Në Angli, ata janë tashmë të shqetësuar për nivelin e borxhit në futbollin anglez. Është një garë që gjeneron vazhdimisht humbje. Mund të jesh në të kuqe për një maksimum prej tre vitesh, por jo për 10 si Manchester City, i cili ka humbur para dhe ka mashtruar që nga themelimi i tij me pronarët e rinj”. “Apo si PSG, i cili pësoi humbje prej 200 milionë eurosh për shtatë vite radhazi. Por ne konkurrojmë dhe rezultatet janë aty për ta vërtetuar këtë: krahasuar me Premier League, ne kemi një epërsi prej 30 titujsh në Evropë këtë shekull”, u shpreh Tebas. Sipas Tebas, rregullat ekonomike dhe financiare në fuqi në Spanjë kanë çuar në një rimëkëmbje të ngadaltë, por të qëndrueshme të llogarive të klubeve spanjolle të futbollit. /Klankosova.tv