Presidenti i Iranit kërkon 'negociata fer’ me Shtetet e Bashkuara të Amerikës

Presidenti i Iranit, Masoud Pezeshkian tha të martën se i kishte udhëzuar ministrit të jashtëm të vendit të “ndjekë negociata të drejta dhe të barabarta” me Shtetet e Bashkuara, shenja e parë e qartë nga Teherani se dëshiron të përpiqet të negociojë, ndërsa tensionet mbeten të larta me Uashingtonin pas shtypjes së përgjakshme të protestave mbarëkombëtare nga vendi i Lindjes së Mesme muajin e kaluar. Njoftimi shënoi një kthesë të madhe për presidentin reformist, i cili i kishte paralajmëruar gjerësisht iranianët për javë të tëra se trazirat në vendin e tij kishin dalë përtej kontrollit të tij, shkruan Associated Press, transmeton Klankosova.tv. Gjithashtu sinjalizon se presidenti mori mbështetje nga Udhëheqësi Suprem i Iranit, Ajatollah Ali Khamenei, për bisedimet që kleriku 86-vjeçar më parë i kishte hedhur poshtë. Turqia kishte punuar prapa skenave për të bërë që bisedimet të zhvilloheshin atje më vonë këtë javë, ndërsa i dërguari i SHBA-së për Lindjen e Mesme, Steve Witkoff, po udhëton në rajon.