Preniqi: Institucionet dhe qytetarët do ta kursejnë energjinë që të ketë furnizim të rregullt (VIDEO)

Bota po përballet me krizë të energjisë elektrike për shkak të pamjaftueshmërisë së burimeve për ta prodhuar atë. E lufta në Ukrainë ka bërë që edhe çmimi i energjisë në bursë të rritet ndjeshëm. Kësisoj kjo ka bërë që çmimi për megavat i rrymës të shkojë deri në 500 euro. Adnan Preniqi, zëvendësues i udhëheqësit të Divizionit të Politikave të Energjisë në Ministrinë e Ekonomisë, tha në Info Magazine në Klan Kosova, se importimi i energjisë elektrike në të kaluarën ka qenë më i përballueshëm. Preniqi tha se qytetarët dhe institucionet do të kursejnë energjinë elektrike, në mënyrë që të ketë furnizim të rregullt. "Sigurisht që një pjesë e energjisë do të importohet, një pjesë e energjisë do të shkëmbehet me Shqipërinë, një pjesë qytetarët së bashku me ne institucionet do të kursejmë, në mënyrë që të kemi furnizim të rregullt me energji. Edhe pse është goxha e vështirë," tha Preniqi. "Sot çmimi i energjisë në bursë është 500 euro për megavat, ndërsa KEK-u e prodhon diku 30 euro megavatin. Këto janë ato që e bëjnë të vështirë krizën. Ne rrethana të tjera, kemi importuar, por ka qenë e përballueshme për sektorin dhe për ne amvisërinë. Por, në rrethana të tilla është çmim shumë i shtrenjtë dhe i papërballueshëm," theksoi ai. https://www.youtube.com/watch?v=-iEJ1SyP-M4