Prapashticë, mospajtime për vendin e lapidarit (VIDEO)

Për 100 vjetorin e Masakrës së Prapashticës, ku u vranë 1520 qytetarë civilë, gjatë muajit janar pritet të vihet gurthemeli i një memoriali në nderim të viktimave. Por, banorëve nuk po iu pëlqen vendi që është caktuar për t’u ndërtuar ky monument. Ata duan që lapidari të zë vend në oborrin e shkollës dhe jo në pronën e djalit të Isa Mustafës i cili i fali katër ari tokë për këtë projekt. Sipas banorëve, vendi skaj rrugës nuk është aq i përshtatshëm sikur ai pranë shkollës i cili do t’u shërbente edhe nxënësve për të mësuar historinë. Ata nisën një peticion për të kundërshtuar këtë vendim të komunës i cili është aprovuar edhe në Kuvendin Komunal. Për projektin në fjalë janë ndarë 175 mijë euro.

klankosova.tv