Lajmet e fundit
Protestat anti-qeveritare në Bujumbura, kanë eskaluar në dhunë të ashpër. Protestuesit janë qëlluar nga afër, dhe policjaështë sulmuar nga të revoltuarit.
Ky është momenti kur një oficere policie në Burundi hap zjarr nga afër mbi një turmë protestuesish anti-qeveritarë.
Incidenti ndodhi në rrugët e kryeqytetit Bujumbura.
Dhjetëra njerëz dolën në rrugë kundër presidentit Pierre Nkurunziza, që po kërkon mandatin e tretë.
Oficerja duket e frikësuar, teksa qëllon me automatik.
Më pas, në videon e dytë, turma e sulmon policen, duke e goditur dhe tërhequr zvarrë.
Për fat, policët e shpëtuan kolegen e tyre pa marrë plagë të rënda.
