Policia: Përleshja mes disa personave çoi në plagosjen e një personi në Suharekë

Policia është deklaruar lidhur me plagosjen e një personi sot në Suharekë, për të cilën KlanKosova.tv raportoi më herët.  Lidhur me rastin, zëdhënësi i Policisë për rajonin e Prizrenit, Shaqir Bytyçi, ka bërë të ditur se plagosja ka ardhur si pasojë e një përleshjeje mes disa personave, e cila ka eskaluar deri në përdorimin e armës së zjarrit, duke lënë një person të plagosur. I plagosuri është dërguar për trajtim mjekësor në Emergjencën e Suharekës. “Njësitet policore, menjëherë pas pranimit të informatës, i janë përgjigjur rastit dhe janë duke vepruar në bashkërendim me Prokurorin e Shtetit, në përputhje me procedurat standarde policore”, ka deklaruar Bytyçi në përgjigjjen për Klankosova.tv https://klankosova.tv/dyshohet-per-nje-te-plagosur-ne-duhel-te-suha1rekes/