Policia heton rastin e grafiteve kërcënuese

Policia është duke e hetuar rastin e grafiteve kërcënuese të shkruara në muret e Fakultetit Filologjik, njofton Klan Kosova. “Policia aktualisht po trajton rastin dhe po punon për të sqaruar dhe ndriçuar rrethanat që karakterizojnë rastin”, ka thënë për klankosova.tv, Agron Borovci, zëdhënësi i Policisë në rajonin e Prishtinës. “Policia po bashkëpunon me Prokurorin e Shtetit për veprimet e mëtejshme hetimore lidhur me rastin”. Më herët Presidenti i Kosovës Hashim Thaçi, kryetari i Prishtinës Shpend Ahmeti dhe kryetari i Bashkësisë Islame, Naim Tërnava, janë kërcënuar publikisht, me anë të këtyre grafiteve. Shkak i këtyre kërcënimeve sipas shënimeve është xhamia e cila është planifikuar të ndërtohet në Dardani.   http://klankosova.tv/kercenohen-thaci-kurti-ahmeti-e-ternava/ Për këtë rast ka reaguar edhe Bashkësia Islame e Kosovës. http://klankosova.tv/bik-kerkon-hetim-per-grafitet-kercenuese-ndaj-kreut-te-saj/

klankosova.tv