Policia e Kosovës pranon pesë vetura dhe pajisje në vlerë të 200 mijë € nga Gjermania

Policia e Kosovës ka pranuar sot një donacion nga Republika Federale Gjermane në vlerë 200 mijë euro. “Zv.Drejtori i përgjithshëm i PK-së z.Fehmi Hoti me bashkëpunëtorë, priti në takim përfaqësuesin e Ambasadës Gjermane zëvendës ambasadorin z. Christian Böttcher, ku edhe u bë pranim-dorëzimi i një donacioni nga Republika Federale e Gjermanisë”, thuhet në postimin e Policisë në Facebook, transmeton Klankosova.tv. Ky donacion, siç thuhet, synon mbështetjen për Policinë e Kosovës, konkretisht në forcimin e mbikqyrjes së kufirit shtetëror. Donacioni në fjalë ka vlerën rreth 200 mijë euro, përfshirë 5 vetura dhe paisje teknologjike. “Policia e Kosovës, vlerson lartë bashkëpunimin dhe përkrahjen e vazhdueshme të Qeverisë Gjermane dhe Ambasadës Gjermane, në ngritjen e kapaciteteve logjistike dhe të teknologjisë”, thotë PK./Klankosova.tv