Policia: Deputetët e arrestuar edhe BASHKËPUNUAN edhe KOOPERUAN

Policia e Kosovës sot ka arrestuar tre deputetë të Opozitës. Fillimisht u arrestua deputeti i Lëvizjes Vetëvendosje, Fisnik Ismaili, e më pas edhe dy deputetët tjerë, Ismajl Kurteshi e Haxhi Shala. Ismaili u morë nga forcat e rendit për shkak se iu gjetën dy bombola gazi kurse dy deputetët, Shala e Kurteshi, pasi hodhën gaz lotsjellës në Kuvend. Në raportin e policisë së Kosovës për arrestimin e deputetëve përpos që tregohen arsyet e arrestimit aty theksohet edhe bashkëpunimi i madh që deputetët treguan gjatë arrestimit. Ky bashkëpunim duket se u ka lënë shumë përshtypje forcave të rendit, andaj edhe e kanë theksuar shumë atë në raportin e tyre -  me fjalë nga më të zgjedhurat. “Vlen të potencohet se të njëjtit kanë BASHKËPUNUR dhe KOOPERUAR me zyrtarët policorë”, thuhet, ndër tjera në raport, njofton Klan Kosova. Policia ndoshta u befasua nga BASHKËPUNIMI i madh i deputetëve the e theksoi se ata ishin shumë KOOPERUES, ani pse të dy fjalët thonë të njëjtën gjë.

klankosova.tv