Policia arreston Naser Shatrin e Lëvizjes Vetëvendosje

Në kufirin mes Shqipërisë dhe Kosovës, në orët e paradites së sotme, Policia ka arrestuar aktivistin e Lëvizjes Vetëvendosje, Naser Shatrin, njofton Lëvizja Vetëvendosje, përcjellë Klan Kosova. “Aktivisti Shatri, ish-ushtar i UÇK-së, është arrestuar në lidhje me aksionin protestues të rrotullimit të xhipave të EULEX-it, në vitin 2009, me të cilin Lëvizja Vetëvendosje paralajmëronte se ky mision ndërkombëtar nuk do të sillte drejtësi”, thuhet në njoftimin e Vetëvendosjes. “Një gjë e cila u vërtetua më përfshirjen e zyrtarëve të këtij misioni në korrupsion, për luftimin e të cilit edhe thirren”. “Kërkojmë lirimin e menjëhershëm të aktivistit Naser Shatri dhe kërkojmë që të pushojnë përndjekjet ndaj aktivistëve tanë. Ashtu siç u dëshmua se misioni i EULEX-it është i padrejtë e i korruptuar, po aq e qartë është nevoja për largimin e klanit Pronto nga pushteti, këtij organizimi kriminal që po e shkatërron vendin”.

klankosova.tv