Plani i Italisë për të dërguar emigrantët në Shqipëri goditet nga gjykata e BE-së

Një vendim i gjykatës së lartë të BE-së i ka dhënë një goditje të mëtejshme përpjekjeve të Italisë për të krijuar një sistem të përshpejtuar në Shqipëri për përpunimin e kërkesave për azil jashtë vendit. Gjykata Evropiane e Drejtësisë (GJED) ka thënë se mënyra se si qeveria italiane aktualisht përcakton nëse një vend është "i sigurt" për të kthyer dikë, kërkesa e të cilit është refuzuar, bie ndesh me ligjin e BE-së, shkruan BBC, transmeton Klankosova.tv. Ky koncept i "vendit të sigurt" është thelbësor për marrëveshjen që kryeministrja Giorgia Meloni arriti me Shqipërinë në vitin 2023 për të dërguar emigrantët e kapur në det direkt atje. Kushdo nga një "vend i sigurt" të cilit i është refuzuar azili duhej të deportohej brenda një jave.