Plagosja në Prishtinë: Pas më shumë se një muaji në arrati, i dyshuari dorëzohet në polici

Shkodran Humolli, i dyshuar për plagosjen e Fatlum Jetullahut, tashmë është në duart e policisë. Klankosova.tv mëson se ai është dorëzuar tek organet e rendit. I njëjti është dërguar në mbajtje për 48 orë. Rasti kishte ndodhur në kryeqytet, më 3 janar në rrugën "Mine Peza" rreth orës 18:50. Humolli dyshohet se ka kryer vepren penale "Vrasje në tentativë". I dyshuari tashmë rrezikon edhe të paraburgoset nga organet e drejtësisë, pasi të mbahet seanca fillestare e gjykimit. Nuk dihet ende motivi i këtij konflikti mes palëve. Pas ngjarjes, Shkodran Humolli, kishte arritur që të ikë nga vendi i ngjarjes, derisa pas më shumë se një muaji në arrati i njëjti iu dorëzua policisë, njofton Klankosova.tv Vërejtje:
Personat e përmendur në këtë artikull, sipas ligjeve të Republikës së Kosovës, konsiderohen të pafajshëm deri në vendimin e formës së prerë nga gjykata.