Plagosi kolegun 15-vjeçar në Tiranë, arrestohet autori

Dy ditë ka zgjatur arratia e autorit të dyshuar që plagosi 15-vjeçarin pasditen e së dielës në zonën e “Ali Dem”, në Tiranë në një piceri. Uniformat blu kanë arrestuar Aldi Nezirin i cili akuzohet për “Plagosja e rëndë me dashje” dhe “Mbajtja pa leje dhe prodhimi i armëve, armëve shpërthyese dhe i municionit” Ndërsa vijon të jetë në kërkim administratori i picerisë, Leonardo Mejdani. Për këtë konflikt policia arrestoi 3 punonjësit e picerisë, Ferit Basha, Andi Hyka dhe Keivin Bala pasi në bashkëpunim me njëri-tjetrin dyshohet se kanë pastruar vendin e ngjarjes dhe kanë hequr DVR-në e kamerës së sigurisë në piceri. / Euronews.al