Plagoset 84 vjeçarja nga përplasja e tre makinave

Në aksin rrugor Elbasan- Librazhd janë përplasur tre makina, e si pasojë mbeti e plagosur shtetasja 84-vjeçare. Sipas policisë shtetasi K. P , 45 vjeç ,  banues  në  fshatin  Buqës  Elbasan, po drejtonte mjetin tip “Ford” me  targa DF 350 YË, dhe në  vendin  e  quajtur  Labinot  Fushë,  është  futur  në   parakalim  dhe  është  përplasur  me  një autobus  me  targa   AA 869 HL.

Autobusi drejtohej nga shtetasi A. Z  59 vjeç,  banues  në  Elbasan. Në aksident është përfshirë edhe një kamion  “IVEKO”  me  targa BT 462 DJ,  me  drejtues shtetasin  A. N , 39 vjeç, banues  në  Bitola të  Maqedonisë.

Policia bën të ditur se nga ky aksident ka mbetur e plagosur shtetasja  Q. P  84 vjeçe,  banuese  në  fshatin  Buqës, e cila u  dërgua menjëherë  në  Spitalin  Kirurgjik  Elbasan dhe ndodhet  jashtë  rrezikut  për  jetën./Shekulli