Pjesëmarrje e vogël e votuesve në Prizren (VIDEO)

Procesi i votimit në Prizren po zhvillohet pa probleme të mëdha. Megjithatë, ka shqetësime në disa shkolla të komunës, përfshirë edhe në shkollën “Remzi Ademaj”, ku numri i votuesve është më i ulët se pritej. Menaxheri i qendrës së votimit ka shprehur shqetësimin për numrin e vogël të qytetarëve që po votojnë deri tani.

“Procesi ka nisur në orën 07:00 me një pjesëmarrje të ulët, Parashikohet që deri në orën 19:00 të ketë një rritje të pjesëmarrjes. Megjithatë, krahasuar me herën e kaluar, duket se numri i votuesve është më i ulët’’, tha ai në një intervistë për gazetaren e Klan Kosovës, Qëndresa Tërshani.