Phil Collins rikthehet në skenë me turne në Evropë

Veterani i muzikës rock, Phil Collins po rikthehet në skenë pas daljes në pension para 10 vjetësh. Ai tashmë  do të nisë një turne me data të koncerteve në Londër, Paris dhe Cologne. Ylli, hitet e të cilit përfshijnë In The Tonight Air dhe Against All Odds, do të luajë në Royal Albert Hall të Londrës qershorin e ardhshëm, transmeton Klan Kosova. Më pas, Collins do të ketë edhe dy koncerte në Paris dhe dy në Cologne. Collins njoftoi pensionimin e tij në vitin 2011, pas një dëmtimi nervor që e la atë të paaftë për të luajtur  në bateri. Pas kësaj, ai vitin e kaluar zbuloi se ka planifikuar një turne. Ndonëse, është rikuperuar duket se ai nuk do të jetë në gjendje të jetë ashtu si ishte dikur. “Mendoj se vetëm do të këndoj. Nuk besoj se do të luajë ndonjëherë ashtu si luaja dikur”, ka thënë ai. Djali i Phil, 15 vjeçari, Nicholas do të jetë së bashku me babain e tij në këtë turne. “Nicholas është në fazën e mësimit akoma, por që tani ai është një baterist i jashtëzakonshmë”, ka thënë Phil. Kjo turne që e rikthen legjendën e muzikës rock në skenë do të quhet “Not Dead Yet Live” (Akoma nuk kam vdekur).