Përurohet tuneli dezinfektues kundër Covid-19 në Prishtinë

Si shumë qytete tjera të botës, tashmë edhe Prishtina është bërë me tunel dezinfektues kundër përhapjes së Covid-19. Përurimi i këtij tuneli është bërë sot rreth orës 15:00 nga kryetari i komunës, Shpend Ahmeti, njofton Klan Kosova. “Sot po e promovojmë këtë tunel dezinfektues - po e bëjmë këtu në tendën e Qendrës Kryesore të Mjekësisë Familjare në Prishtinë”. “Ne e kemi ngritur këtë tende për t’i mbrojtur punëtorët shëndetësorë, por edhe qytetarët”. Kujtojmë se në Komunën e Prishtinës janë regjistruar 25 raste me Covid-19. Ndërsa numri total i personave të prekur nga ky virus në Kosovë është 224 - prej të cilëve 6 kanë rezultuar me vdekje.

klankosova.tv