Përurohet renovimi i Këndit Amerikan në Prishtinë (FOTO)

Sot është bërë përurimi i renovimit të Këndit Amerikan që ndodhet brenda hapësirave të Bibliotekës Kombëtarë në Prishtinë. Në këtë ngjarje kanë marrë pjesë ambasadori i Shteteve të Bashkuara të Amerikës në Kosovës, Philip Kosnett, drejtori i Bibliotekës Kombëtare, Fazli Gajraku dhe Leonora Morina-Bunjaku nga ministria e Kulturës, njofton Klan Kosova. Me këtë rast Kosnett e ka falënderuar ministrinë e Kulturës dhe stafin e Këndit Amerikan. Ai ka thënë se që nga vitit 2003 kur është hapur kjo librari, me mijëra njerëz e kanë shfrytëzuar. “Është më i madh se i mëparshmi, është një vend që tubon të gjithë, nga të gjitha komunitetet. Kosova ka njerëz me energji të madhe për teknologjinë. Jemi mirënjohës për mbështetjen e Ministrisë së Kulturës. Mezi presim trajnime”. Ndërsa, drejtori Gajraku ka thënë se Këndi Amerikan është qendër që është ndërtuar për t’i fuqizuar raportet SHBA-Kosovë. Kujtojmë se renovimi i kësaj librarie ka kushtuar rreth 100 mijë dollarë.

klankosova.tv