Lajmet e fundit
Është bërë përurimi i çerdhes së qytetit “Ardhmëria” në Drenas, donacion i organizatës turke TIKA.
Në përurimin e saj morrwn pjesë, kryetari i Drenasit, Ramiz Lladrovci, ambasadorja e Turqisë në Kosovë, Kivilçim Kiliç dhe drejtori i TIKA, Hasan Burak Ceran.
Numri një i Drenasit ka falënderuar ambasadoren e Turqisë për bashkëpunim të mirë që kanë me Komunën e Drenasit, drejtorin e TIKA-së dhe stafin e saj që kanë mundësuar rregullimin e brendshëm të çerdhes.
Ambasadorja turke nga ana e saj ka thënë se renovimi dhe rregullimi i këtij objekti është i një rëndësie të veçantë pasi që është për të mirën e fëmijëve që të kenë një ambient me të mirë.
Ajo ka shtuar se Ambasada e Turqisë në Kosovë do të ndihmoj dhe përkrah në projekte të ndryshme në Kosovë dhe në Drenas. Kiliç ka falënderuar kryetarin Lladrovci për përkrahjen që ka dhënë në realizimin e këtij projekti dhe organizatën TIKA që është duke bërë investime në Kosovë, sidomos në fushën e arsimit.
Në kuadër të këtij projekti është bërë renovimi i gjithë objektit të brendshëm dhe të jashtëm. Janë rinovuar 6 klasat e fëmijëve, korridori, kuzhina, banjot dhe korridoret, ndërrimi i të gjitha dyerve të brendshme, izolimi i dyshemesë, ndërrimi i laminatit, renovimi i mureve, lyerja, ndërrimi i ndriçimit, është sjellë i gjithë inventari i ri dhe janë sjellë lodra të reja dhe është bërë ngjyrosja e jashtme e objektit, transmeton Klan Kosova.
