Lajmet e fundit
Drejtoresha e Bibliotekës Kombëtare në Shqipëri, Persida Asllani, e quan një stuhi në gotë debatin për librin “Vrima” të Rita Petros, fitues i çmnimit “Lumo Skëndo”.
“Kushtet specifike të kulturës shqiptare, por edhe censurimi i stërgjatë i këtij lloj ligjërimi nga letërsia botërore kanë sjellë për pasojë një ngërç në leximin e letërsisë erotike. Do t’i ftoja lexuesit të mos kenë frikë prej saj, por të shkojnë drejt leximesh të reja, të cilat vetëm do t’u hapin një horizont të ri dhe do t’i ndihmojnë të njohin më mirë vetveten”.
“Në letërsinë shqipe, ky libër thellon traditën apo edhe sprovat eksperimentale që te Naimi e De Rada, për të vijuar me Migjenin, Kutelin, Nitan e Josif Reles, Anton Pashku, Martin Camaj, Agron Tufa, Fatos Lubonja, Fatos Kongoli, etj”.
“Bibliofili dhe autori i ‘Hi dhe shpuzë’, Mit’hat Frashëri, i cili me siguri e ka njohur formulimin e hijshëm të Andre Bretonit se ‘Fjalët në letërsi, tek e fundit, bëjnë veç dashuri’, do ta kishte mirëpritur si në bibliotekën private, ashtu edhe në librarinë e tij të famshme këtë libër, duke i vendosur edhe vulën e konceptuar prej tij: ‘Librarija Lumo Skendo’.” /mapo.al
