Përplasja e klasikëve: Juventus - Real Madrid

Real Madrid nuk ka eliminuar asnjë skuadër italiane që prej vitit 1987 kur eliminoi Napolin. Që atëherë mbretërit janë rrëzuar shtatë herë nga skuadrat italiane: dy herë nga Milan, (1989-90 and 1990-91), një herë nga Torino (1991-92), tre herë nga Juve (1995-96, 2002-03, 2004-05) dhe një herë nga Roma (2007-08). Në total madrilenët janë takuar me skuadrat italiane 63 herë, nga të cilat fitues kanë dalë 29 herë, kanë barazuar 10 herë dhe 24 herë janë mposhtur. Vetëm me Juventinët Real është takuar 17 herë, përfshirë këtu takimet në Champions dhe Kupë Evropiane, pas të cilave takime ka nxjerrë tetë fitore sa edhe Juventus, e një herë ndeshja ka përfunduar e barabartë. Ndeshja mes këtyre dy skuadrave është ndër më të përsëriturat, pas takimit Bayern – Madrid (22 herë) dhe Barcelona – Milan (19 herë).