Përfundon numërimi i votave me postë - VV e para me 51%, pason LDK me 30%

Komisioni Qendror i Zgjedhjeve e ka përfunduar numërimin e votave me postë. Sipas të dhënave nga KQZ-ja, tani janë procesuar 100 për qind e votave. Bazuar nga këto të dhëna, Lëvizja Vetëvendosje i ka 31 mijë e 963 vota, apo 51.57 për qind; E dyta ka dalë Lidhja Demokratike e Kosovës, që i mori 18 mijë e 933 vota, apo 30.55 për qind; Në vendin e tretë është renditur Partia Demokratike e Kosovës me 5 mijë e 878 vota, apo 9.48 për qind; Kurse, koalicioni AAK-Nisma, i ka mbledhur 2 mijë vota apo 3.23 për qind e votave me postë. Tani, Komisioni Qendror i Zgjedhjeve do të vazhdojë me numërimin e votave me kusht dhe të atyre të personave me nevoja të veçanta. Përfundimi i procesit të numërimit pritet të bëhet nesër me datë 5 mars. /Klankosova.tv [caption id="attachment_2519326" align="alignnone" width="1618"] Përfundon numërimi i votave me postë[/caption]