Përfundon mbledhja e Këshillit të Përgjithshëm të Vetëvendosjes

Ka përfunduar mbledhja e Këshillit të Përgjithshëm të Lëvizjes Vetëvendosje, e cila ka zgjatur rreth gjashtë orë. Në këtë mbledhje Vetëvendosje ka shpallur zgjedhjet e brendshme dhe atë pa asnjë votë kundër, njofton Klan Kosova. Kryesuesi i Këshillit të Përgjithshëm, Hydajet Hyseni, ka vlerësuar se mbledhja ka shkuar krejtësisht në rregull. Në këtë mbledhje ka munguar kryetari aktual i Vetëvendosjes, Visar Ymeri Ai në llogarinë  e tij në Facebook u ka uruar punë të mbarë aktivistëve, por ka shtuar se nuk është i pajtimit që të mbahet kjo mbledhje. Sipas tij është e ngutshme dhe e panevojshme të mbahet në këtë kohë, njofton Klan Kosova. Pos, Ymerit në këtë mbledhje kanë munguar edhe disa figura të tjera të rëndësishme të kësaj partie, siç është njeriu i tretë më i votuar i Vetëvendosjes, Dardan Molliqaj dhe gruaja më e votuar në parti, Aida Dërguti.

klankosova.tv