Lajmet e fundit
Një pjesë e pyllit që njihet si Palkena në Pejë po digjet. Banorët atje konfirmojnë se zjarri ka filluar në orët e pasdites e po vazhdon edhe tash.
Teksa për këtë rast ka reaguar përmes rrjetit social Facebook edhe kryetari i kësaj komune, Gazmend Muhaxheri, i cili la të nënkuptohet se e gjithë kjo mund të mos jetë e rastësishme
“Dënohet ky akt kriminal!, Ekipa e zjarrfikësve po kujdeset ta shuajnë këtë zjarr” ka shkruar ai.
Ndërkaq në Policinë Rajonale të Pejës thanë se për t’i nisur hetimet presin raportin nga ekspertët nga ana e zjarrfikësve për dyshimet nëse zjarri mund të jetë vënë qëllimisht nga dikush.
