Perëndeshës budiste në Japoni i vihet maska si lutje për përfundimin e COVID-19

Në Japoni gjendet statuja e një përendeshe budiste, Kannon, të cilës besimtarët i luten, por në të së fundmi kanë bërë disa modifikime të vogla. Asaj i kanë vendosur një maskë të personalizuar në fytyrë si formë simbolike e lutjes për fundin e pandemisë së koronavirusit. Punëtorëve iu deshën tri orë që ta bartnin maskën masive me litarë dhe ta vendosnin në 57 metra lartësi në tempullin Houkokuji Aizu Betsuin në Prefekturën Fukushima, shkruan Reuters, transmeton Klankosova.tv. ‘Perëndeshës së mëshirës’ i vendosën maskën me materialin ngjyrë rozë me gjatësi  4,1 metra me 5,3 metra gjatësi dhe me peshë rreth 35 kilogramë. Statuja, e ndërtuar 33 vjet më parë, është e zbrazët me një shkallë spirale që mund të ngjitet në lartësinë e shpatullës së perëndeshës. Njerëzit vizitojnë statujën, e cila mban një foshnjë, për t'u lutur për lindjen e sigurt të foshnjave dhe për të kërkuar bekime për të sapolindurit e tyre. Punëtorët e këtij tempulli planifikojnë që ta mbajnë maskën në statujë derisa situata me koronavirus të jetë nën kontroll në Japoni.