Përdoruesit e Twitter tregojnë se si pamjet e para të “pishinës qiellore” i kanë bërë të ndihen të irrituar

Përdoruesit e Twitter e kanë quajtur 'ankth'  pishinën luksoze 25 metra dhe tregojnë se fotot marramendëse ajrore të saj i kanë bërë të ndihen të sëmurë. Pishina transparente 25 metra shtrihet në katin e 10-të midis dy blloqeve të banesave në Nine Elms, Vauxhall në Londrën jugperëndimore, pak më poshtë rrugës nga Ambasada Amerikane. Pishina mbi banesat e Kopshteve të Ambasadës është vlerësuar si vendi më ekskluziv, raporton Daily Mail, transmeton Klankosova.tv. Një apartament me dy dhoma gjumi kushton më shumë se një milion funta  ndërsa suita e apartamentit nën çati pesë milionë funta. Pishina e parë lundruese në qiell në botë u hap në Londër me 19 maj dhe notarët u panë duke u zhytur në pishinën që shkaktonte marramendje në Bank Holiday Monday, ku ishte dita më e nxehtë e vitit deri më tani. Pishina është pika kryesore e zhvillimit nga EcoWorld Ballymore, i cili përfshin dy mijë apartamente luksoze, hapësirë ​​për zyre, bare, restorante dhe kopshte të rregulluara. Shumë përdorues të Twitter-it nuk u pajtuan me këtë lloj të pishinës.