Përballja e dytë gjysmëfinale, Prishtina kërkon të marrë 'hak' ndaj Trepçës

"Pallati i Rinisë dhe Sportit", do të jetë vendi ku do të ballafaqohen dy gjigantët e basketbollit kosovar. Prishtina është nikoqire e Trepçës, në përballjen e dytë të gjysmëfinales. "El Clasico" e basketit do të zhvillohet me fillim nga ora 18:00. Kjo ndeshje do të transmetohet ekskluzivisht e drejtpërdrejtë në platformën më të madhe televizive në trojet shqiptare, Artmotion. Sonte skuadra "bardhekaltër" do të kërkojë të marrë 'hak' ndaj skuadrës nga Mitrovica. "Minatorët" ndeshjen e parë e fituan bindshëm me rezultat 80:65./ Klankosova.tv