Për të gjithë ata që pyesin: “Pse Bob Dylan?

“The times they are a-changin” është një prej këngëve më të mrekullueshme të Bob Dylanit, kantautorit amerikan që dje fitoi Çmimin “Nobel” në Letërsi. Kënga u bë sidomos e famshme vitet e fundit, prej një tjetër gjeniu. Steve Jobs, në biografinë e tij, e përmend si një prej frymëzimeve të tij më të mëdha, shkruan bota.al Dhe të gjithë e dimë se çfarë i solli më vonë botës frymëzimi i Steve Jobs. Më poshtë teksti në shqip i kësaj kënge pothuaj “revolucionare” për kohën.

“Kohët po ndryshojnë”

Ejani, mblidhuni njerëz

Kudo ku endeni, anembanë

Dhe pranoni se ujërat

Rrotull jush tash të fryrë janë

Dhe pranojeni se shumë shpejt

Do të qulleni gjer në kockë

E se kohën tuaj

Sot duhet ta shpëtoni

Ndryshe si gur do të fundoseni

Nëse nuk nisni të notoni

Sepse kohët po ndryshojnë

…

Ejani shkrimtarë dhe kritikë

Që me penë bëni profeci

Katër bëjini sytë

Shansi juaj është tani

Dhe fjalët matini mirë

Se rrota ende po vërtitet

Dhe nuk dihet se

n’emrin e kujt do ndalojë

Sepse humbësi sot

më vonë do të fitojë

Sepse kohët po ndryshojnë

…

Ejani senatorë, kongresmenë,

Ju lutem thirrjen ta dëgjoni

Mos rrini tek dera

Kalimin mos bllokoni

Sepse ai që lëndohet

Do të jetë ai që do të ngecë

Se atje jashtë ka një luftë

Që të gjithë do ju trondisë

Shpejt dritaret do jua shkundë

dhe muret do jua krisë

Sepse kohët po ndryshojnë

…

Ejani nëna e baballarë

Nëpër vend, kudo ku jeni

Dhe mos kritikoni

Atë që dot nuk e kuptoni

Bijtë dhe bijat tuaja

Më dot nuk i komandoni

Rruga juaj e vjetër

Shpejt po vjetërohet, ju e dini

E nga rruga e re dilni sot

Nëse dorën nuk e shtrini

Sepse kohët po ndryshojnë

…

Vija është hequr

Mallkimi është nxjerrë

I avashti sot

Më vonë i shpejti do të jetë

Dhe e tashmja

Nesër e shkuar do të jetë

Urdhëri

Po venitet shpejt e shpejt

Dhe i pari sot

Më vonë i fundit do të jetë

Sepse kohët po ndryshojnë