Për herë të parë në botën arabe ekspozitë përkujtimore për Hokolaustin

Një ekspozitë përkujtimore për Holokaustin, e para në këtë lloj në botën arabe është hapur në Dubai. Ekspozita "Ne kujtojmë" në Muzeun e Kryqëzimit të Qytetërimeve tregon dëshmitë e dorës së parë të mbijetuarve të Holokaustit. Rabini Levi Duchman në Emiratet e Bashkuara Arabe, tha se është thelbësore për të ndihmuar në ndërtimin e themeleve të Komunitetit Hebre në Dubai, shkruan Euronews, transmeton Klankosova.tv "Fakti që ky muze ka vendosur një shfaqje përkujtimore të holokaustit është diçka me të vërtetë e rëndësishme. Është një vend ku ne mund të sjellim fëmijët tanë. Ne mund të sjellim shkolla nga komunitete të ndryshme për të ardhur për të parë historinë e popullit hebre dhe atë që ata kaluan nëpër Evropë” Më shumë se gjashtë milionë hebrenj u vranë nga nazistët midis vitit 1941 dhe 1945. Kjo ekspozitë synon të kujtojë atë që ndodhi gjatë Holokaustit dhe të rrisë ndërgjegjësimin midis më shumë se 200 kombësive në Dubai. I kuruar nga Yael Grafy, ky artist ka përfshirë edhe një seksion kushtuar tërësisht arabëve dhe myslimanëve që ndihmuan në shpëtimin e hebrenjve. Për artistin, Holokausti është një nga krimet më të mëdha, andaj edhe punimi i një ekspozite të tillë kishte rëndësi të jashtëzakonshme. "Ky është një nga krimet më të mëdha kundër njerëzimit. Ishte me të vërtetë e rëndësishme për ne së bashku me galeritë e tjera rreth tolerancës dhe bashkësive të tjera ... ne donim të tregonim shpresën dhe t'u tregojmë myslimanëve dhe njerëzve nga zona që ndihmuan për të shpëtuar njerëzit".