“PDK, partia më e organizuar në Ballkan”

Enver Hoxhaj, ministër i Kosovës, por edhe nënkryetar i Partisë Demokratike të Kosovës i ka thurur lavde partisë së tij dhe strukturës organizative të saj. Madje Hoxhaj, në Zona B të Klan Kosovës, ka tejkaluar Kosovën kur ka folur për organizimin e brendshëm të PDK-së, duke thënë se ndoshta janë më të organizuarat në Ballkan. “Kemi 20 mijë vota më shumë në nivel të Kosovës se në zgjedhjet e kaluara. Kemi partinë më të madhe në vend dhe strukturën menaxhuese më të organizuar në Ballkan”, pohoi Hoxhaj. Ministri, PDK-në e glorifikoi edhe më shumë kur foli për tranzicionin e liderit të partisë, nga Hashim Thaçi tek Kadri Veseli. Ai tha se një tranzicion të tillë – të butë –  do ta kishin lakmi edhe shumë parti në Europë, njofton klan Kosova.

klankosova.tv