PDK e prerë, nuk përfshihet në koalicion me LVV-në

Kandidati për kryeministër nga radhët e PDK-së, Bedri Hamza ka thënë se nuk do të hyjë në asnjë mënyrë në koalicion me Lëvizjen Vetëvendosje. Ai thotë se qytetarët fuqizuan partitë opozitare, andaj, sipas tij, ata nuk duan që qeveria e tanishme të vazhdojë edhe një mandat tjetër, transmeton Klankosova.tv. ''Sot, shumica e qytetarëve që votuan, nuk duan që e njëjta qeveri të vazhdojë, qytetarët me vullnetin e tyre politik, i kanë besuar opozitës, andaj në këto zgjedhje kanë fuqizuar partitë opozitare. Kjo më obligon mua, si partinë më të madhe opozitare, që në mënyrë të përgjegjshme ta respektojmë vullnetin e shumicës shqiptare për ndryshim. Ne nuk do të përfshihemi në asnjë koalicion me LVV-në'', tha ai.