PDK denoncon vjedhjen e votave nga VV në Gjakovë: "Treni Bullgar" manipuloi rezultatin

Kryetari i degës së PDK-së në Gjakovë, Hajdar Beqa ka bërë një denoncim publik, duke akuzuar partinë aktuale në pushtet për vjedhje të votave në këtë komunë. Ai u bënë thirrje organeve të drejtësisë të trajtojnë këtë rast, meqë siç potencon atje ndodhi fenomeni i njohur si ‘’Treni bullgar’’, transmeton klankosova.tv. ''Sipas raporteve të vëzhguesve të zgjedhjeve nga subjekti ynë, ekziston dyshimi i bazuar që se paku ne dy Qendra te Votimit njëra ne shkollën ''Zekeria Rexha'' dhe tjetra në shkollën ''Fehmi Agani'' në Gjakovë, ka ndodhur fenomeni i “Trenit Bullgar”, nga ku rezulton të jetë e mbivotuar partia në pushtet'', ka thënë Beqa. “Presim që shkelësit e ligjit zgjedhor të ballafaqohen me sanksionin penal që parasheh Kodi'', ka shtuar më tutje ai.