Pas pezullimit të grevës, ky është orari për provimet e janarit

Senati i Universitetit të Prishtinës “Hasan Prishtina” ka zhvilluar sot një mbledhje ku është diskutuar për çështjen e organizimit të provimeve për afatin e janarit. Në këtë takim, senatorët u pajtuan se që nga e hëna, 4 shkurt 2019, të filloj procesi i organizimit të provimeve si në afatet kohore në vijim, transmeton Klan Kosova. "SEMS-i për paraqitje të provimeve do të jetë i hapur në datat 4 dhe 5 shkurt 2019". "Data e mbajtjes së provimeve do të fillojë më 6 shkurt deri me 28 shkurt 2019 (përjashtim nga këto data bëjnë ditët e festave zyrtare)". "Si rrjedhojë e kësaj, obligohen dekanët e njësive akademike që të riorganizojnë datat e provimeve për javët e humbura, sipas specifikave të njësive përkatëse". Po ashtu, semestri veror për vitin akademik 2018-2019 në Universitetin e Prishtinës fillon me datë 25 shkurt 2019. "Senati i Universitetit të Prishtinës i uron studentëve sukses në këtë afat të provimeve".

klankosova.tv