Pas pak në Sport 2 nis derbi i kryeqytetit, Bora sfidon Prishtinën

Që nga edicioni 2017/18, kur KB Marigona Hill ra nga elita basketbollistike, Superliga e Kosovës nuk ka prodhuar më një derbi të kryeqytetit. Inkuadrimi i Borës këtë sezon në mesin e skuadrave më të mira, ka bërë që Prishtina t'i ketë dy ekipe elitare. Bora sfidon sonte ekipin më të suksesshëm në historinë e basketbollit kosovar, raporton Klankosova.tv. Prishtina e ka fituar ndeshjen e parë ndaj Borës me rezultat 96-82. Ky duel i shtyer, është i vlefshëm për javën e nëntë kampionale, e cila u zhvillua më 9 dhe 10 nëntor. Derbi i kryeqytetit fillon në orën 19:00 dhe transmetohet direkt në kanalin Sport 2 të platformës kryesore shqiptare, Art Motion. Komentator, Lirim Peci!