Pas divorcit, Kelly Clarkson kthen mbiemrin e vajzërisë, tani quhet Kelly Brianne

Kelly Clarkson ka bërë kërkesë për të ndryshuar ligjërisht mbiemrin e saj në Kelly Brianne, pasi është divorcuar nga Brandon Blackstock. 39 vjeçarja tha se dëshironte të bënte ndryshimin e emrit, që është emri i saj i parë dhe i mesëm, pasi 'emri i saj i ri pasqyron më mirë se kush është', sipas dokumenteve gjyqësore të shqyrtuara nga US Weekly. Një seancë tjetër dëgjimore për këtë çështje është caktuar për 28 mars, shkruan DailyMail, transmeton Klankosova.tv. Ylli i lindur në Fort Worth, Teksas, ka kaluar më shumë se një vit e gjysmë duke punuar për divorcin nga Brandon Blackstock, 45 vjeç, me të cilin ka vajzën River Rose, shtatë vjeç dhe djalin Remington Alexander, pesë vjeç. Para ndarjes, ajo ishte gjithashtu njerka e dy fëmijëve të tij me ish-gruan Melissa Ashworth, Savannah, 19 dhe Seth, 14 vjeç. Prezantuesja e Kelly Clarkson Show fillimisht bëri kërkesë për divorc nga Blackstock në qershor të vitit 2020 duke thënë se kishte 'dallime të papajtueshme' në martesë, e cila filloi kur çifti u martua në tetor të vitit 2013.