Parashikimi i motit për dy ditët e ardhshme

Instituti Hidrometeorologjik i Kosovës ka bërë të ditur se të premten dhe të shtunën do të mbajë mot kryesisht i vranët. Sipas këtij njoftimi, temperaturat minimale do të lëvizin ndërmjet -1 deri në + 4 gradë, përcjell Klankosova.tv. “Të premten parashikohet të mbajë mot kryesisht i vranët dhe kohë pas kohe me reshje shiu. Të shtunën, mot i vranët dhe me intervale me diell, por relativisht i ftohtë. Temperaturat minimale do të lëvizin ndërmjet -1 deri + 4 gradë, kurse maksimalet e ditës parashihen të lëvizin ndërmjet 4-11 gradë Celsius”, thuhet në njoftim. Tutje, IHK-ja ka bërë të ditur se gjatë këtyre dy ditëve do të fryjë erë kryesisht nga juglindja me shpejtësi 1-5 m/s.