Parashikimi i motit për dy ditët e ardhshme

Instituti Hidrometeorologjik i Kosovës ka bërë të ditur se gjatë dy ditëve të ardhshme do të mbajë mot i vranët dhe me intervale me diell. Në njoftimin e këtij instituti bëhet e ditur se nëpër ultësira parashihet të formohet mjegull e dobët, kryesisht në orët e para të ditës, përcjell Klankosova.tv. “Temperaturat minimale do të lëvizin ndërmjet 2-3 gradë Celsius, ndërsa maksimalet e ditës parashihen të lëvizin ndërmjet 10-13 gradë Celsius”, thuhet në njoftim. Tutje, IHK shtoi se gjatë dy ditëve të ardhshme do të fryjë erë nga drejtimi i lindjes dhe verilindjes me shpejtësi 1-6m/s.